محکمہ لائیوسٹاک میں ڈینگی مچھراورلاروے کے خاتمے کے لیے آگاہی واک کاانعقاد

تاریخ: 28جولائی 2013

ڈینگی مچھراورلاروے کے خاتمے کے لیے آگاہی واک کاانعقاد
ڈینگی مچھراورلاروے کے خاتمے کے لیے آگاہی واک کاانعقاد

(زرعی میڈیا ڈاٹ کام): خورشید علی زیدی سیکرٹری لائیوسٹاک اینڈڈیری ڈویلپمنٹ کی سربراہی میںآج وزیر اعلیٰ پنجاب میاں محمدشہبازشریف کے مشن کو جاری رکھتے ہوئے خصوصی اینٹی ڈینگی ڈے کے حوالے سے آگاہی واک کاانعقادہوا۔

جس میں ڈاکٹرمحمدنوازسعیدڈائریکٹرجنرل(توسیع)، عامرعلی چشتی ڈپٹی سیکرٹری ایڈمن، ڈاکٹرافتخارعلی ڈپٹی سیکرٹری (ٹیکنیکل)، ڈاکٹراسرارحسین ڈائریکٹرکمیونیکیشن اینڈ ایکسٹینشن، خالدمحمودچوہدری ڈپٹی سیکرٹری(پلاننگ)،ڈاکٹرعبدالحمیدقصوری ڈائریکٹربریڈامپروومنٹ ،دیگرڈائریکٹرزویٹرنری ڈاکٹرز،ویٹرنری اسسٹنٹس اوردیگرعملہ نے سینکڑوں کی تعدادمیں شرکت کی۔ صوبائی دارالحکومت محکمہ لائیوسٹاک میں 3واکس کاانعقادہواتینوں میں خورشیدعلی زیدی سیکرٹری لائیوسٹاک پنجاب نے ذاتی طورپرشرکت کی۔ پہلی واک سول سیکرٹریٹ سے ٹاؤن ہال مال روڈ،دوسری ویٹرنری ریسرچ انسٹیٹیوٹ سے غازی روڈ اورتیسری لائیوسٹاک کمپلیکس -16کوپرروڈ سے اسمبلی ہال مال روڈتک۔ واک کے دوران شرکاء نے آگاہی بینرز اورپلے کارڈزاٹھارکھے تھے اس کے علاوہ راستے میں گزرنے والوں کو آگاہی لٹریچر بھی تقسیم کیاگیا۔سیکرٹری لائیوسٹاک نے شرکاء سے خطاب کرتے ہوئے کہاکہ یہ ہماری اولین ڈیوٹی میں شامل ہے کہ ہم اپنے گھر،دفاتراورگلی محلے میں اردگرد کے ماحول کو صاف ستھرارکھیں۔ نشیبی جگہوں پر پانی جمع نہ ہونے دیں، گھراوردفاترکے اردگرد کے خالی پلاٹس باقاعدگی سے ڈینگی مچھر اورلاروے کے خاتمے کے لیے سپرے کروائیں تویقیناہم ڈینگی مچھر سے محفوظ رہ سکتے ہیں۔ انہوں نے محکمہ لائیوسٹاک کے دفاترمیں صفائی کے معیارپراطمینان کااظہارکیااورہدایات جاری کرتے ہوئے کہاکہ سٹور،پلاٹس اورنشیبی مقامات کاازسرنوجائزہ لیاجائے۔ دفاترمیں رکھی ہوئی الماریوں کے نیچے اوراوپر سے اچھی طرح صفائی کرائی جائے اورباقاعدگی سے سپرے کابندوبست کیاجائے۔ ہمیں خوداوراپنے گھروالوں کے ساتھ ساتھ محلے میں رہنے والے لوگوں کوحفظان صحت کے رہنمااصولوں بارے آگاہی فراہم کرنی چاہئے۔ اس آگاہی مہم کے موقع پر ڈاکٹرمحمدنوازسعید ڈائریکٹرجنرل(توسیع) نے بھی اپنے ذیلی دفاترکادورہ کیااوراردگرد کے ماحول کو صاف رکھنے کے بارے میں ہدایات جاری کیں۔ ڈاکٹراسرارحسین چوہدری ڈائریکٹرکمیونیکیشن اینڈایکسٹینشن نے خورشید علی زیدی سیکرٹری لائیوسٹاک پنجاب کوبتایاکہ ڈینگی کی روک تھام اورعلاج و معالجہ بارے آگاہی مہم تیزی سے جاری ہے اس سلسلے میں بینرز،پلے کارڈز،بروشرزاورڈاکومنڑی کی سی ڈیزتیارکرواکرمحکمہ لائیوسٹاک کے عملہ میں تقسیم کردیں ہیں اورمتعلقہ فلیکس،سٹینڈیزاوربینرزلائیوسٹاک کمپلیکس کے نمایاں مقامات پرآویزاں کردیئے گئے ہیں۔
Copy Rights @Zaraimedia.com

This website uses cookies to improve your experience. We'll assume you're ok with this, but you can opt-out if you wish. Accept Read More