روئی کے بھاؤ6650سے 6750روپے فی من ریکارڈ

ہفتہ 20 جولائ 2013

روئی کے آفیشل سپاٹ ریٹس برائے 37.324 کلو گرام کے نرخ کم ہو گئے

کراچی(بزنس رپورٹر) مقامی کاٹن مارکیٹ میں جمعہ کوروئی کے بھاؤ 6 ہزار 650 روپے سے 6 ہزار 750 روپے فی من رہے ۔ کراچی کاٹن ایسوسی ایشن کے مطابق ڈومیسٹک ٹرانزیکشن کے تحت روئی کی فصل برائے 2012-13کی 9 ہزار 300 گانٹھوں کے سودے 6 ہزار 650 روپے سے 6 ہزار 750 روپے فی من میں ہوئے ۔

میرپورخاص اور شہدادپور کی روئی کی 2 ہزار گانٹھوں اور 1 ہزار 400 گانٹھوں کے سودے سب سے کم بھاؤ 6 ہزار 650 روپے سے 6 ہزار 700 روپے فی من پر بند ہوئے جبکہ بورے والا کی روئی کی 200 گانٹھوں کے سودے سب سے زیادہ 6 ہزار 750 روپے فی من ریکارڈ کئے گئے ۔جھنگ کی روئی کی 200 گانٹھوں کے سودے 6 ہزار 675 روپے فی من پر بند ہوئے ۔

علاوہ ازیں کراچی کاٹن ایسوسی ایشن کے مطابق روئی کے آفیشل سپاٹ ریٹس برائے 37.324 کلو گرام کے نرخ گزشتہ کاروباری روز کے بھاؤ 6 ہزار 700 روپے سے کم ہو کر 6 ہزار 600 روپے اور 40 کلوگرام کے ریٹس 7 ہزار 180 روپے سے کم ہو کر 7 ہزار 73 روپے ہوگئے ۔ذرائع,دنیا

Published: Zarai Media Team