پاکستانی آموں کی چینی مارکیٹ تک رسائی کیلئے معاہدہ طے پاگیا

Pakistani mangoes
Pakistani mangoes

جمعـء 19 جولائ 2013

پاکستانی سفیر اور چینی وزیر ایڈمنسٹریشن نے دستخط کیے ،معاہدہ 2 سال کیلئے طے پایا ہے چینی حکومت پاکستانی آموں کیلئے اسٹوریج، پیکنگ ہاؤسز سمیت دیگر سہولتیں فراہم کر ے گی

بیجنگ : پاکستانی آموں کی چینی مارکیٹ تک رسائی کیلئے چین اور پاکستان نے معاہدے پر دستخط کر دیے ، جس کے تحت چینی حکومت پاکستانی آموں کی اسٹوریج، پیکنگ ہاؤسز سمیت دیگر سہولتیں فراہم کر ے گی-

معاہدہ 2سال کیلئے ہے،گزشتہ روز چین میں پاکستانی سفارتخانے کی جانب سے جاری بیان میں کہا گیا ہے کہ معاہدے پر پاکستان کی جانب سے بیجنگ میں متعین پاکستانی سفیر مسعود خالد اور چین کی جانب سے وزیر برائے ایڈمنسٹریشن آف کوالٹی سپروین سٹرزی شٹنگ نے دستخط کیے، معاہدے کے تحت پاکستانی آموں کو چینی مارکیٹ تک باآسانی پہنچایا جائے گا۔
چینی حکومت اس سلسلے میں بھرپور مدد اور سہولتیں فراہم کرے گی۔ معاہدے کی مدت مکمل ہونے کے بعد اس میں از خود 2سال کیلئے توسیع ہو جائے گی۔ پاکستانی سفیر مسعود خالد نے اس معاہدے کو پاکستانی آموں کی برآمد کے حوالے سے بہت بڑی پیش رفت قرار دیا اور کہا ہے کہ پاکستانی ایکسپورٹرز مذکورہ معاہدے سے بھرپور استفادہ کریں گے ۔ذرائع,اے پی پی
Published: Zarai Media Team
Pakistani Mangoes

This website uses cookies to improve your experience. We'll assume you're ok with this, but you can opt-out if you wish. Accept Read More