سندھ : 5 ٹن سندھڑی آم کی چار کنسا ئنمنٹس جرمنی اور قطربرآمد

27 May 2013

تیز آندھیوں سے آم کی فصل متاثر ہوئی،سندھ میں 20فی صد آم درختوں سے جھڑ گئے

لاہور :  پاکستانی برآمدکنندگان نے یورپ اور مشرق وسطی ٰکو آم کی برآمدات شروع کر دیں گزشتہ روز آم کی 4 کنسا ئنمنٹس یورپ اور مشرق وسطیٰ کو برآمد کی گئیں پاکستان ہارٹیکلچر ڈویلپمنٹ اینڈ ایکسپورٹ کمپنی کے حکام کے مطابق مجموعی طور پر 5 ٹن سندھڑی آم کی چار کنسا ئنمنٹس جرمنی اور قطر بھجوائی گئی ہیں۔

آم کے برآمدی سیزن کے افتتاح کے سلسلے میں گزشتہ روز ایک تقریب کا اہتمام بھی کیا گیا، جس میں پاکستان ہارٹیکلچر ڈویلپمنٹ اینڈ ایکسپورٹ کمپنی کی جانب سے مسعود احمد خان اور ٹریڈ ڈیولپمنٹ اتھارٹی آف پاکستان کے سعید خان نے شرکت کی۔

آم کی کاشت اور تجارت سے وابستہ افراد کا کہنا ہے کہ امسال تیز آندھیوں کے باعث آم کی فصل بُری طرح متاثر ہوئی ہے۔ ماہرین کے تخمینہ کے مطابق تیز ہوا اور آندھیوں کے باعث صوبہ سندھ میں تقریباً 20 فی صد آم درختوں سے جھڑ گئے ہیں۔ذرائع دنیا

Published: Zarai Media Team