امریکہ زراعت کے شعبہ میں مددکے لئے پر عزم ہے :امریکی سفیر

09 May, 2013

گندم کی پیداوار میں اضافہ کے لئے جاری پروگرام ڈبلیو پی ای پی کی تعریف

لاہور(کامرس رپورٹر )امریکی سفیر رچرڈ اولسن نے کہا ہے کہ امریکہ زراعت کے شعبہ میں پاکستان کی مدد کرنے کے لئے پر عزم ہے ،انہوں نے کہا کہ امریکہ1950کے عشرے سے زراعت کے شعبہ میں اعانت فراہم کرنے ، کنو کا پھل متعارف کرانے اور ملک میں گندم کی پیداوار کو دوگنا کرنے کیلئے کام کر رہا ہے اور ہم آج بھی یہ اعانت جاری رکھے ہوئے ہیں ۔

رچرڈ اولسن نے ان خیالات کا اظہار 1980 کی دہائی میں امریکی امداد سے قائم ہونے والے قومی زرعی تحقیقاتی مرکز (این اے آر سی) میں سرکاری حکام، محققین اور کسانوں کے اجتماع سے خطاب کرتے ہوئے کیا ۔
انہوں نے گندم کی پیداوار میں اضافہ کے لئے جاری پروگرام (ڈبلیو پی ای پی)کی تعریف کی جس کے تحت یو جی99نامی بیماری کے خلاف مزاحمت کی حامل گندم کی ایک قسم این اے آر سی1102 کوکامیابی کے ساتھ متعارف کرایاگیا۔
ڈاکٹر محمد امتیاز ،تیمور عظمت عثمان اور ڈاکٹر افتخار احمد بھی اس موقع پر موجود تھے ۔ذرائع دنیا

Published: Zarai Media Team

This website uses cookies to improve your experience. We'll assume you're ok with this, but you can opt-out if you wish. Accept Read More