غذائی اعتبار سے مفید مشروم کی 150 اقسام کھانے کے قابل ہیں

 اتوار 5 مئ 2013

ہزاروں لوگ مشروم کی کاشت اور برآمد ات سے کروڑوں کا زرمبادلہ کما رہے ہیں

فیصل آباد: مشروم کی بے شمار اقسام میں سے 150 اقسام کھانے کے قابل ہیں جن میں سے 50 کے قریب بے حد لذیذ،50 درمیانے درجے کی ذائقہ دار اور 50 کم لذت کی حامل ہیں جن کی بیرون ملک برآمد کے ذریعے ہزاروں افراد ملک کے لیے کروڑوں روپے کا قیمتی زرمبادلہ کما رہے ہیں۔

اگر حکومت اس کی کاشت کی حوصلہ افزائی کرے تو اس سے مزید بہتر نتائج حاصل کیے جاسکتے ہیں۔

ایوب زرعی تحقیقاتی ادارہ فیصل آبادکے زرعی ماہرین نے بتایا کہ مشروم کو غذااور دوادونوں طریقوں کیلئے استعمال کیا جاسکتا ہے مشروم میں 30 سے 35 فیصد تک پروٹین ، 25 سے 30 فیصد تک وٹامن ڈی اور دیگر وٹامنز بھی ہوتے ہیں۔

مشروم میں کیلشیم ، فاسفورس ، دیگر نمکیات بھی انسانی جسم کیلئے انتہائی مفید ہیں،اس میں نشاستہ اور روغنیات بہت کم مقدار میں پائے جاتے ہیں جس کی بنا پر یہ شوگر اور دل کے امراض میں مبتلا مریضوں سمیت غریب لوگوں کے لیے مثالی غذا ہے۔ذرائع,(اے پی پی)

Published: Zarai Media Team