کپاس کی پیداوار میں ہدف سے 11لاکھ بیلز کی کمی

ہفتہ 4 مئ 2013

1کروڑ 40لاکھ بیلز کی پیداوار کا ہدف رکھا گیا تھا: کاٹن جنرز ایسوسی ایشن

کراچی:  پاکستان کاٹن جنرز ایسوسی ایشن نے کہا ہے کہ گزشتہ سیزن میں ملک بھر میں کپاس کی پیداوارہدف سے 11لاکھ بیلز کم ہوئی ہے ۔گزشتہ سیزن کے دوران کپاس کی 1کروڑ 40لاکھ بیلز کی پیداوار کا ہدف رکھا گیا تھا۔

مگر حتمی پیداوار صرف 1کروڑ 29لاکھ بیلز رہی۔ یہ پیداوار اس سے پہلے سیزن سے 12.8فیصد کم ہے ۔اس عرصے میں پنجاب میں کپاس کی پیداوار میں کمی جبکہ سندھ میں اضافہ دیکھا گیا۔ماہرین کے مطابق گزشتہ سیزن کے دوران کاشتکاروں نے کپاس کی جگہ گنے کی کاشت کو ترجیح دی تھی۔ محکمہ موسمیات نے زیادہ بارشوں کی غلط پیش گوئی کی جس کی وجہ سے بارانی علاقوں میں کپاس کی کاشت نہیں ہوسکی۔ ذرائع,(این این آئی)

Published: Zarai Media Team