زرعی ٹیکس سے غربت میں اضافہ ہوگا:کا شتکار تنظیمیں سندھ

پنگریو سمیت سندھ کی کاشت کار تنظیموں نے زرعی آمدنی پر ٹیکس لگانے کی تجویز کے خلاف احتجاج کرتے ہوئے کہا ہے کہ

کاشتکار طبقہ مختلف ٹیکسزاور لگان کی ادائیگی کے باعث پہلے ہی معاشی بحران کا شکار ہے ، زراعت پر مزید ٹیکس لگانے سے نہ صرف غربت میں اضافہ ہوگا بلکہ ملک زرعی اجنا س کی پیداوار کے لحاظ سے بھی مزید پیچھے چلا جائے گا، سندھ آبادگار ایسوسی ایشن کے صدر علی اکبر چانڈیو نے کہا کہ اب تک آنے والی کسی بھی حکومت نے زراعت کے شعبے کو بد حالی سے بچانے کے لیے کوئی موثر پالیسی نہیں بنائی، اس کے برعکس زراعت پر ٹیکس لگا کر اسے مزید تباہی کی طرف دھکیلا جاتا رہا ہے ۔اسمال گروئرز ایسوسی ایشن کے صدر گلن شاہ، آبادگار ویلفیئر ایسوسی ایشن پنگریو کے عہدیداروںنے کہا کہ زرعی آمدنی پر ٹیکس لگانے کی تجویز زرعی طبقے سے زندہ رہنے کا حق چھیننے کے مترادف ہے ۔ ذرائع, دنیا نیوز

Agriculture

Published: Zarai Media Team