زرعی یونیورسٹی فیصل آباد میں جشن بہاراں

زرعی یونیورسٹی فیصل آباد ہینڈ آؤٹ

27مارچ 2013ء

زرعی یونیورسٹی فیصل آباد میں جشن بہاراں
زرعی یونیورسٹی فیصل آباد میں جشن بہاراں

فیصل آباد (زرعی میڈیا ڈاٹ کام)زرعی یونیورسٹی فیصل آباد میں جشن بہاراں کی چھ روزہ تقریبات کا آغاز آج 26مارچ کی شام مصنوعی روشنیوں میں پہلی آل پاکستان گرے ہاؤنڈز ٹریک ریس (خرگوش کے پیچھے کتوں کی دوڑ)سے ہورہا ہے ۔

جیل روڈ پر ریس کورس گراؤنڈ میں ہونے والے ان مقابلوں میں پورے ملک سمیت آزاد کشمیر سے نامور اور جانے مانے کتے اپنے گروپس میں شرکت کر رہے ہیں جس کیلئے یونیورسٹی میں انتظامات مکمل کر لئے گئے ہیں۔جشن بہاراں میں زرعی و صنعتی نمائش‘ فینسی برڈز شو‘ پالتو جانوروں کا ( پٹ شو)‘ فلاور شو‘ ایلومنائی ایسوسی ایشن کا اجلاس و مشاعرہ‘ کلچرل شو‘ فوڈ سٹریٹ‘ لکی ایرانی سرکس ‘ موت کا کنواں اور کسان میلہ شامل ہیں۔ مذکورہ پروگرامز کے ساتھ ساتھ نیو سینٹ ہا ل میں ’’پاکستان میں توانائی کی صورتحال‘‘ اور’’ زرعی شعبہ میں نئے کاروباری فروغ اور روزگار کے مواقع‘‘ کے موضوع پر سیمینار بھی منعقد ہونگے۔ کلیہ زرعی انجینئرنگ کے زیراہتمام پاکستان میں توانائی کی صورتحال میں آئل و گیس ریگولیٹری اتھارٹی (اوگرا) کے چیئرمین سعید احمد خاں بطور مہمان خصوصی اور فیسکو کے چیف ایگزیکٹو آفیسر رانا عبدالجبار خاں مہمان اعزاز کے طورپر شریک ہونگے جبکہ دوسرے سیمینار کے مہمان خصوصی ہائر ایجوکیشن کمیشن اسلام آباد کے ایگزیکٹو ڈائریکٹر ڈاکٹر مختار احمد ہونگے۔

Agriculture in Pakistan, UAF

Copyright: Zaraimedia.com

This website uses cookies to improve your experience. We'll assume you're ok with this, but you can opt-out if you wish. Accept Read More