لائل پور لٹریچر و کلچرل فیسٹیول اختتام پذیر: زرعی یونیورسٹی فیصل آباد

فیسٹیول (قصہ) میں نیشنل ٹیکسٹائل یونیورسٹی‘ جی سی فیصل آباد‘ یو ای ٹی ٹیکسلا‘ نمل فیصل آباد کیمپس‘ سرگودھا یونیورسٹی‘ گجرات یونیورسٹی‘ اسلامیہ یونیورسٹی‘ یونیورسٹی آف ساؤتھ ایشیاء کی ڈرامہ ٹیموں نے پرفارم کیا
فیسٹیول (قصہ) میں نیشنل ٹیکسٹائل یونیورسٹی‘ جی سی فیصل آباد‘ یو ای ٹی ٹیکسلا‘ نمل فیصل آباد کیمپس‘ سرگودھا یونیورسٹی‘ گجرات یونیورسٹی‘ اسلامیہ یونیورسٹی‘ یونیورسٹی آف ساؤتھ ایشیاء کی ڈرامہ ٹیموں نے پرفارم کیا

فیصل آباد 08مارچ : زرعی یونیورسٹی فیصل آباد میں جاری پانچ روزہ لائل پور لٹریچر و کلچرل فیسٹیول اختتام پذیرہوگیا۔ چار سے 8مارچ تک منعقدہونے والے فیسٹیول میں 200سے زائد نوجوان فنکاروں‘ گلوکاروں‘ ڈبیٹرز‘ غزل‘ نظم اور بیت بازی مقابلوں کے شرکاء نے اپنی مہارتوں کا خوبصورت مظاہرہ کیا۔

uaf_picture2_8march_2013فیسٹیول کے آخری دن ڈرامہ فیسٹیول (قصہ) میں نیشنل ٹیکسٹائل یونیورسٹی‘ جی سی فیصل آباد‘ یو ای ٹی ٹیکسلا‘ نمل فیصل آباد کیمپس‘ سرگودھا یونیورسٹی‘ گجرات یونیورسٹی‘ اسلامیہ یونیورسٹی‘ یونیورسٹی آف ساؤتھ ایشیاء کی ڈرامہ ٹیموں نے پرفارم کیا۔
گجرات یونیورسٹی کی ٹیم نے خواتین کے حقوق پر‘ یو ای ٹی ٹیکسلانے فرقہ واریت کے نوجوانوں پر اثرات‘ سرگودھا یونیورسٹی نے ونی جیسی ناپسندیدہ رسم پر‘ اسلامیہ یونیورسٹی بہاولپور نے دہشت گردی کی حالیہ لہر کے تناظر میں پاک فوج کو خراج تحسین پیش کیا ‘یونیورسٹی آف ساؤتھ ایشیاء کی ڈرامہ ٹیم نے اتفاق میں برکت‘ چناب کالج جھنگ نے ملک کے عمومی مسائل کا احاطہ کیا۔
uaf_picture_8march_2013فلم انڈسٹری کے نامور ڈائریکٹرپرویز ملک‘ وسیم حیدر‘ عثمان ضیاء اورکامران فائق نے ڈراموں کی پیشکش‘ کہانی اور کرداروں کے معیارکاجائزہ لیا۔شہر کے علم ‘ فن اور ادب دوست احباب نے پانچ روزہ فیسٹیول کوغموں اور پریشانیوں میں گھرے ہوئے عوام کیلئے ایک بہترین تفریح کا موقع قرار دیتے ہوئے یونیورسٹی انتظامیہ خصوصاً وائس چانسلر پروفیسرڈاکٹر اقراراحمد خاں کی کاوشوں کو سراہا۔
ان کا کہنا تھا کہ فیصل آباد علم و ہنر‘ ادب‘ فن ‘ گلوکاری‘ اداکاری اور فنون لطیفہ کے تمام اُمور میں باصلاحیت افراد کو پروان چڑھا رہا ہے جو نہ صرف قومی بلکہ بین الاقوامی سطح پر اپنی صلاحیتوں کا مظاہرہ کر رہے ہیں۔زرعی یونیورسٹی فیصل آباد ہینڈ آؤٹ
University of Agriculture Faisalabad (UAF) , Agriculture in Pakistan
Copyright:  Zaraimedia.com

This website uses cookies to improve your experience. We'll assume you're ok with this, but you can opt-out if you wish. Accept Read More